|
Ta strona korzysta z plików cookies, zgodnie z Polityką Cookies. Korzystając ze strony wyrażasz zgodę na działanie plików cookies, w zakresie zgodnym z bieżącymi ustawieniami Twojej przeglądarki internetowej. Kliknij przycisk "Polityka cookies" aby zapoznać się z jej treścią lub przycisk "Zamknij" aby ta informacja nie pojawiała się więcej.
|
|
W Pòlsce dzëkò rosce przez 20 zortów kòniczënë, pôrã z nich je w ùprawie. Nôbarżi znóné to czerwònô ë biôłô. Kòniczënë roscą na rozmajitëch sedlëszczach, nôwiãcé na skalëstëch placach, na klifach ë dunach, na mùrawach. Spełniwają wôżną rolã w gòspòdarce rolny, jakò roscënë na paszã ë w pòsobicë sewù – znacząco ùlepsziwają jakòsc rolë pòd dalszą ùprawã. Biôłô kòniczëna kwitnie òd maja do pazdzérznika, czerwònô – do séwnika.
Kwiat czerwòny kòniczënë dzejô wëkaszlowno, mòczopãdno, ùspòkòjiwno, tonizëjąco ë procemzapalno. Procembólowé ë procemskùrczowé dzejanié roscënë ë bëtnosc substancji szlachùjącëch za estrogenama robią z ni bëlné zelé na menopaùzã. Zmniésziwô ùderzenia gòrąca, nadmierną pòtlëwòsc, zagwësniwô lepszi spik ë mniészą nerwòwòsc, pòlepsziwô kòncentracjã, pòdwëższô nôstrój. Chroni przed spôdkã libido ë pòzitiwno dzejô na serce. Jakò suplemeńt mòże dac ùbòczné skùtczi – temù w sprawie dôwkòwaniô kònieczno nôleżi sã ùdac do certifikòwanégò fitoterapeùtë/tczi.
Lëdowô medicyna: Na Kaszëbach na bòlenié głowë robią òkłôd z gòrący kòniczënë (A. Fiszer). Na pòbùdzenié za môłëch abò zatrzimónëch czasów bëło picé arbatë z biôłi kòniczënë (M. Kwaśkiewicz). Abë wënëkac żółcowé kamienie, nót je jeden dzéń pòscëc. Té reno pic na czczo miksturã z miãtą, jôdalną òliwą, kùrzim żółtkã ë kòniakã. Tédë pic jak nôwiãcé arbatë z biôłi kòniczënë (M. Kwaśkiewicz).
Pòwszechné je wierzenié, że szterëlëstnô kòniczëna przënôszô szczëscé – Pòmòrzé (A. Fiszer). W òkòlim Wejrowa we wileją sw. Jana lëdze rwią rozmajité zela, jak biôłą kòniczënã, bò zela te ë lëstë ùrwóné w przeddzéń swiãtégò Jana, pòmôgają w rozmajitëch chòrobach (B. Stelmachowska).
Projekt zrealizowany został ze środków Narodowego Centrum Kultury w programie EtnoPolska 2024.
Kaszubski ogród to cykl wydarzeń poświęcony roślinom i tematom zielarskim na Kaszubach. W ramach tego projektu powstała baza roślin charakterystycznych dla regionu Kaszubskiego.
